Hlynur lék á 65 höggum og Dagbjartur sjöundi fyrir lokahringinn

Eftir 81 högg á þriðjudag svaraði Hlynur Bergsson úr GKG með 65 höggum á öðrum hring Destination Gotland Open í dag, sjö undir pari. Hann fékk örn á 10. og 16. holu, sem báðar eru par 5, auk sex fugla og þriggja skolla. Aðeins Svíinn Oliver Lilliedahl lék betur, á 64 höggum. Hlynur er nú á tveimur yfir pari og fór úr 48. sæti upp í jafnt 21. sæti.

Dagbjartur Sigurbrandsson úr GR lék á 69 höggum, þremur undir pari, og er einn í 7. sæti á samtals fjórum undir pari. Lilliedahl og landi hans David Nyfjäll eru efstir á sjö undir pari. Daninn Jonas Lykke Petersen, sem var efstur eftir fyrsta hring, lék fyrri níu holurnar á 40 höggum og var á einu yfir pari þegar hann átti eina holu eftir.

Lokahringurinn á Visby Golfklubb er leikinn á fimmtudag.